فارس/ «عمران خان» نخست وزیر پاکستان از آغاز گفت‌وگو با طالبان برای ایجاد دولت فراگیر در افغانستان خبر داد.

پایگاه خبری تحلیلی مثلث آنلاین:

وی در توئیتی نوشت: پس از مذاکرات در دوشنبه با رهبران همسایگان افغانستان و به ویژه گفت‌وگوی طولانی با امامعلی رحمان، رئیس جمهور تاجیکستان، من با طالبان گفت‌وگو برای یک دولت فراگیر در افغانستان شامل تاجیک‌ها، هزاره‌ها و ازبک‌ها را آغاز کرده‌ام.

این در حالی است که در رئیس‌جمهور تاجیکستان روز گذشته در نشست شانگهای از آمادگی این کشور برای میزبانی مذاکرات میان طالبان و جبهه پنجشیر خبر داد.

امام‌علی رحمان، رییس جمهور تاجیکستان، این موضوع را در نشست خبری با عمران خان مطرح کرد. وی گفت که تاجیکستان و پاکستان همه تلاش خود را برای رسیدن به این هدف انجام می‌دهند.

عمران‌ خان نیز نزاع پنجشیر را «نگران‌کننده» توصیف کرد و افزود که تاجیکستان از طریق تاجیک‌ها و پاکستان از طریق پشتون‌ها که به باور وی، «دولت طالبان» است، تلاش‌های خود را برای حل این معضل از راه گفت‌وگو انجام خواهند داد.

نخست‌وزیر پاکستان از افغان‌ها خواست که یک «دولت همه‌شمول» را ایجاد کنند که همه اقوام را شامل شود؛ زیرا به باور او،‌ تأمین صلح تنها با حضور گروه‌های قومی متناسب با جایگاه‌شان در دولت، ممکن است.

همچنین عمران خان روز پنجشنبه در گفت‌وگو با سی‌ان‌ان، گفت که جهان باید به طالبان فرصت دهد تا وعده‌هایش را عمل سازد.

وی هشدار داد: «هیچ دولت دست نشانده‌ای در افغانستان مورد حمایت مردم نیست. بنابراین به جای اینکه فکر کنیم که می‌توانیم آنها (طالبان) را کنترل کنیم، باید آنها را تشویق کنیم. زیرا دولت کنونی افغانستان، به وضوح احساس می‌کند که بدون کمک‌های بین‌المللی، نمی‌تواند این بحران را متوقف کنند. بنابراین باید آنها را در جهت درست تحت فشار قرار داد.»